టాలీవుడ్ యంగ్ టైగర్ ఎన్టీఆర్, బాలీవుడ్ గ్రీక్ గాడ్ హృతిక్ రోషన్ కలిసి నటిస్తున్న భారీ యాక్షన్ చిత్రం
‘వార్ 2’పై భారీ అంచనాలు నెలకొన్నాయి. తాజాగా జూనియర్ ఎన్టీఆర్ ఒక కీలకమైన అప్డేట్ ఇచ్చారు. ఈ సినిమాకు సంబంధించి తన పాత్ర చిత్రీకరణ పూర్తయినట్లు ఆయన సోషల్ మీడియా వేదికగా ప్రకటించారు. ఈ సందర్భంగా తన సహనటుడు హృతిక్ రోషన్ పై, చిత్ర బృందంపై ప్రశంసల వర్షం కురిపించారు. ఈ సినిమా ప్రయాణం తనకు ఎన్నో విషయాలు నేర్పిందని ఎన్టీఆర్ పేర్కొన్నారు. సెట్ లో హృతిక్ రోషన్ సర్ తో కలిసి పనిచేయడం ఒక అద్భుతమైన అనుభూతి. ఆయన ఎనర్జీని నేను ఎప్పుడూ ఆరాధిస్తాను. ఈ సినిమా ప్రయాణంలో ఆయన నుంచి ఎంతో నేర్చుకున్నానని తెలిపారు.